Drejtuesi i fushatës elektorale të presidentit amerikan Donald Trump ka punuar në mënyrë të fshehtë për një miliarder rus, për të asistuar presidentin Vladimir Putin.
Lajmin e bën të ditur agjencia “Associated Press”, sipas të cilës Paul Manafort ka propozuar një strategji për të goditur fraksionet opozitare anti-ruse në ish-republikat sovietike rreth një dekadë më parë.
Burimi informativ raporton se dokumenta dhe intervista të mëparshme mbështesin pretendimet e tij për zotin Manafort. Ky i fundit ka insistuar se nuk ka punuar kurrë për interesat ruse.
Ai ka punuar si kryetar pa portofol i fushatës elektorale të Trumpit nga marsi deri në gusht të vitit të kaluar, përfshirë periudhën gjatë të cilës miliarderi njujorkez vulosi kandidaturën e tij.
Manafort dha dorëheqjen pasi “Associated Press” zbuloi se ai kishte koordinuar një operacion sekret lobimi në favor të partisë pro-ruse të Ukrainës deri në vitin 2014, transmeton tch.
Agjencia e lajmeve pretendon se të dhëna të dokumentuara biznesi lidhin në mënyrë direkte Manafort me interesat e Putinit në rajonet ish-sovietike.
Lajmi vjen në një kohë kur këshilltarët e fushatës së Trumpit janë subjekt i një hetimi të FBI-së dhe dy hetimeve të Kongresit për ndikimin rus.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj Kontribuo