Ndërmjetësi i Kombeve të Bashkuara, Matthew Nimetz, tha se është optimist se zgjidhja e kontestit 27-vjeçar të emrit midis Maqedonisë dhe Greqisë është e arritshme.
“Kam shumë shpresë se ky proces po lëviz në drejtim pozitiv”, tha Nimetz në Nju Jork, pas takimit me diplomatët e të dyja vendeve.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoGjatë bisedimeve, Nimetz i ka prezantuar ambasadorit të Maqedonisë në OKB, Vasko Naumovski, dhe negociatorit grek, Adamantios Vassilakis, një propozim për kompromis, i cili tani do të diskutohet nga Shkupi dhe Athina.
Nimetz nuk ka dhënë detaje se çfarë përmban propozimi.
Greqia refuzon ta njohë Maqedoninë me këtë emër, duke thënë se një gjë e tillë sugjeron se Shkupi ka pretendime territoriale ndaj një rajoni verior të Greqisë, i cili po ashtu quhet Maqedoni.
Kontesti daton qysh në vitin 1991 kur Maqedonia ka shpallur pavarësinë dhe ai i ka komplikuar përpjekjet e këtij vendi për integrim në NATO dhe në Bashkimin Evropian.
Në Kombet e Bashkuara, Maqedonia njihet formalisht si Ish-Republika Jugosllave e Maqedonisë.