Gjykata Supreme e Iranit, ka konfirmuar se ka mbështetur dënimin me vdekje kundër akademikut iraniano-suedez, i cili është akuzuar për spiunazh.
Studiuesi i Institutit Karolinksa në Stokholm, Ahmadreza Djalali, është arrestuar në prill të vitit 2016, gjatë një vizite në Teheran, për spiunazh dhe “urrejtje ndaj Zotit”, krim i cili në Iran mund të rezultojë me dënim me vdekje.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoGjatë një transmetimi në televizionin e kontrolluar nga shteti, Djalali ka pranuar se i ka dhënë informacione një shërbimi të jashtëm të inteligjencës për shkencëtarët e sektorit bërthamor iranian, të cilët më vonë janë vrarë.
Mirëpo përmes një audio incizimi, Djalali ka thënë se këto deklarata i ka thënë nën presion psikologjik.
Ai i ka hedhur poshtë akuzat më herët.
Gjatë vendimit të Gjykatës Supreme është thënë se Djalali ka punuar me qeverinë izraelite.
Sipas raportimeve Djalali ka pranuar se është takuar me agjentët e Mossadit për t’iu dhënë informacione për planet bërthamore të Iranit dhe ka ndihmuar në shpërndarjen e virusit nëpër kompjuterët e ministrisë së Mbrojtjes.