Një ngjarje shokuese ka ndodhur në Greqi, ku një 47-vjeçar, polic në shërbim të ish-kryeministrit grek Kostas Simitis, ekzekutoi bashkëshorten, vjehrrën dhe vajzën e tij 4-vjeçare, e në fund u vetëvra me pistoletën e shërbimit.
Ngjarja ka ndodhur gjatë orëve të para të mëngjesit, në lagjen “Ajos Anaragjiros” të kryeqytetit grek, Athinë.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoTrupat e viktimave u gjetën gjatë paradites së të hënës në banesën e çiftit, pasi fqinjët u shqetësuan për ta dhe njoftuan policinë, transmeton Tch.
Sipas njoftimit të policisë, autor i ngjarjes është drejtues i lartë policie. Ai shërben në Parlamentin grek, në sigurinë e ish-kryeministrit grek Kostas Simitis.
Ende nuk dihen shkaqet e tragjedisë, ndërkohë që fqinjët flasin për një person të qetë, që nuk kishte shkaktuar kurrë probleme.
Bashkëshortja viktimë e ngjarjes tragjike punonte si mjeke. Dëshmitarë thanë se, mes çiftit nuk dukej të kishte divergjenca ose mosmarrëveshje.
Vendngjarja u ekzaminua edhe prej mjekut ligjor, i cili tha se viktimat kishin plagë plumbi në kokë. Mësohet se para 9 muajsh, autori ishte ekzaminuar në kontrollet rutinë të policisë prej psikologut, i cili aprovoi edhe lejen e posaçme të armatimit për të.