Llogaria zyrtare në “Twitter” e presidentit Donald Trump ka ripostuar 3 video anti-myslimane nga një grup britanik i së djathtës ekstreme.
Postimi i parë në “Twitter” ishte nga Jayda Fransen, zëvendëskryetarja e “Britain First”, ku duket se tregohet një emigrant mysliman që sulmon një burrë me paterica, transmeton Tch.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoKjo pasohet nga dy video të tjera të njerëzve, që Fransen pretendon se janë myslimanë.
“Britain First” u themelua në vitin 2011 nga ish-pjesëtarë të Partisë Nacionaliste britanike, të ekstremit të djathtë.
Grupi ka tërhequr vëmendjen në mediet sociale me postime të shumëkritikuara për atë që ata e konsiderojnë islamizim të Britanisë së Madhe.
Ai grup ka paraqitur kandidatë në zgjedhjet e përgjithshme mbi platforma antiemigracion dhe antiabort, por nuk ka mundur deri më tani të sigurojë asnjë vend në Parlament. Vet Fransen ka më shumë se 52 mijë ndjekës në “Twitter”.
Ajo reagoi me entuziazëm ndaj shpërndarjes së postimeve të saj nga ana e Trump. Ajo shkruante në llogarinë e saj në “Twitter” se “Donald Trump, personalisht ka ripostuar këto video dhe ai ka rreth 44 milionë ndjekës.
“Zoti e bekoftë Trumpin, Zoti e bekoftë Amerikën”, shtoi ajo.