Policia hungareze ka arrestuar migrantin pakistanez i cili në vendin e vet kërkohet me dyshim të ketë vrarë 70 persona, ka kumtuar policia hungareze deh ajo austriake.
Në kumtesën e policisë së qarkut hungarez Bacs-Kiskun theksohet se të martën është ndaluar grupi i migrantëve ilegalë afër kufirit me Serbinë dhe në mesin e tyre e ka identifikuar 35 vjeçarin e dyshimtë, transmeton Koha.net.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoPolicia, siç përcjell al jazeera, e ka identifikuar vetëm me inicialet A. Z. dhe ka theksuar se ai gjendet në fletë arrestin ndërkombëtar që e ka lëshuar Pakistani.
Në kumtesën e policisë theksohet se i ndaluari është në paraburgim në Hungari e detaje të tjera nuk janë saktësuar.
Policia austriake ka kumtuar se pakistanezi është arrestuar pas njoftimeve që autoritetet austriake kanë bërë për zyrtarët hungarezë.
I dyshimi kishte planifikuar të kalonte në Austri me ndihmën e trafikantëve.
Sipas hetuesve austriakë, i dyshimi me pseudonimin "kasapi pakistanez", është akuzuar për vrasjen e rreth 70 personave.