Numri i të vdekurve pas përmbytjeve në Vietnam është rritur në 72 ndërsa 33 të tjerë janë shpallur të humbur , njoftuan sot autoritetet, transmeton ATSH raportimin e AFP-së.
Një ciklon tropikal ka shkaktuar shira të rrëmbyeshëm në pjesën qendrore dhe veriore të Vietnamit, me intensitet prej 700 milimetrash, gjatë këtyre pesë ditëve të fundit.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoSipas Komitetit për Parandalimin e Fatkeqësive Natyrore, trembëdhjetë persona kanë vdekur të enjten në mëngjes , në krahinën e Hoa Binh, si pasojë e rrëshqitjeve të tokës pranë banesave të tyre, ndërsa pesë persona të tjerë janë shpallur të humbur.
Sipas raporteve, rreth 50 000 banesa janë prekur nga rrëshqitjet e tokës, në pjesën qendrore dhe veriore të vendit.
Gjithashtu, përmbytjet kanë shkaktuar ngordhjen e rreth 9 300 derrave, lopëve dhe buajve, si dhe gati 300 000 shpendëve.
Ndërsa, cikloni është zhvendosur drejt Laosit dhe reshjet e dendura të shiut kanë vazhduar edhe sot, autoritetet kanë paralajmëruar se vendi do të përfshihet përsëri nga rrëshqitje të tokës, si pasojë e thithjes së një sasie të madhe uji nga toka në zonat malore.