Ushtari aktiv amerikan, Ikaika Kang, 34 vjeçar, është arrestuar në shtetin Havai, i dyshuar se ishte përpjekur t’i ndihmonte organizatës terroriste, Shteti Islamik (IS).
Ky ushtar, që ishte arrestuar para tri ditësh, dje është paraqitur në një gjykatë federale lidhur me akuza se disa njerëzve, që konsiderohet se kishin lidhje me Shtetin Islamik, u kishte dhënë dokumente ushtarake.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoRaportohet se i akuzuari Kang, po ashtu, ka pranuar se kishte shprehur lojalitet ndaj liderit të IS-it, Abu Bakr al-Baghdadi, transmeton rel.
Ai, po ashtu, është i akuzuar për përgatitjen e videove strëvitore luftarake, për të cilat besonte se do të mund të përdoreshin nga luftëtarët e IS-it kundër trupave të Shteteve të Bashkuara dhe aleatëve të tyre.
Ushtari Kang është veteran i luftës në Irak dhe Afganistan.
Avokati i tij i caktuar nga gjykata, tha se klienti i tij mund të vuante nga ndonjë sëmundje psikike e ndërlidhur me shërbimin e tij luftarak.
Ushtari Ikaika Kang u ishte bashkuar forcave amerikane në dhjetor të vitit 2001, pak muaj pas sulmeve terroriste të 11 shtatorit në New York dhe Washington.