Athinë,7 korrik – Bisedimet e ribashkimit midis liderëve turq dhe grekë të Qipros, sot në mëngjes, kanë dështuar duke e mbyllur konferencën mbi paqen pa asnjë marrëveshje, tha sekretari i përgjithshëm i OKB-së, Antonio Guterres.
Burimet qipriote greke thanë se bisedimet dështuan për shkak të mosmarrëveshjes lidhur me tërheqjen e trupave turke.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj Kontribuo“Me keqardhje, ju informoj se pavarësisht angazhimit shumë të fortë të të gjitha delegacioneve dhe partive të ndryshme, konferenca mbi Qipron u mbyll pa arritur një marrëveshje”, tha Guterres.
Lidhur me vazhdimin e bisedimeve, Guterres tha se “konferenca është e mbyllur, megjithëse kjo nuk do të thotë se nuk do të ndërmerren iniciativa të tjera”.
Burimet qipriote greke thanë se Turqia kishte këmbëngulur në mbajtjen e forcave ushtarake në ishull pas ribashkimit, ndërsa pala greke dëshiron që të gjithë 35 000 trupat e Ankarasë të tërhiqen përfundimisht.
Negociatat, që kanë vazhduar prej vitesh, kanë për qëllim krijimin e një strukture federale me dy shtete politikisht të barabarta, qipriotët grekë në jug dhe qipriotët turq në veri.