Mali i Zi pret ftesën për anëtarësim në NATO, gjatë samitit të aleancës në maj, por disa pengesa ende ekzistojnë, përfshirë këtu kundërshtimin e fuqishëm të ish-patronit të shtetit, Rusinë, raporton KTV.
Derisa zyrtarët malazezë janë të sigurt që Senati amerikan dhe tri shtetet tjera anëtare të NATO-s, do të ratifikojnë anëtarësimin e Malit të Zi, Podgorica pohon që Moska ka lansuar komplot dramatik kundër shtetit të vogël për ta pamundësuar këtë.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoDuke iu referuar tentimit për grushtshtet, që u mendua gjatë zgjedhjeve parlamentare në tetor, ministri i Drejtësisë, Zoran Pazin, tha se Podgorica pret që Moska të shpjegojë rolin e diplomatëve rusë Eduard Shishmakov dhe Vladimir Popov në planin për rrëzimin e dhunshëm të pushtetit dhe pengimin e anëtarësimit në NATO. Moska i ka përjashtuar këto pohime, të cilat realisht i referohen edhe opozitës së vetë shtetit.