Serbia e ka bërë një hap të vogël përpara në procesin e anëtarësimit në Bashkimin Evropian, pasi e ka kompletuar njërën prej 35 fushave që duhet t’i adresoj para se t’i bashkohet BE-së.
Në bisedat e sotme në Bruksel, i ashtuquajturi “kapitull negociues” për arsim dhe kulturë, është hapur dhe menjëherë është mbyllur, pasi zyrtarët e BE-së thanë se Serbia ishte në harmoni me kërkesat lidhur me këtë fushë.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoHapja dhe mbyllja e kapitullit për arsimin dhe kulturën është bërë pasi ende nuk ekziston një legjislacion i BE-së për këta sektorë, kështu që kjo mbetet kompetencë e shteteve individuale.
Aktualisht, prej 35 kapitujve, Serbia i ka filluar negociatat për 8 prej tyre.
Megjithatë konsiderohet se progresi i Serbisë kah anëtarësimi në BE, në masë të madhe, do të përcaktohet nga suksesi i dialogut të sponsorizuar nga Bashkimi Evropian me Kosovën. Kjo çështje përfshihet në kapitullin 35.