Goditja raketore amerikane në bazën ajrore në Siri javën e kaluar ka shkatërruar 20 për qind të fluturakeve ushtarake nën kontrollin e regjimit të Bashar al Assadit, ka thënë sekretari amerikan i Mbrojtjes, Jim Mattis.
Ai në kumtesën e sotme tha se Qeveria siriane do të bënte gabim të madh nëse serish do të përdorë armë kimike, transmeton Ksp.
SHBA më 7 prill kreu sulm ajror me urdhër të presidentit Donald Trump në bazën ajrore të Sirisë, duke e goditur me 59 raketa “Tomahawk”, si përgjigje ndaj sulmeve me armë kimike mbi civilët, për të cilën fajësohet regjimi i Bashar al Asadit.