Kampionati i Kosovës në automobilizëm vazhdon në këtë fundjavë me garën që do të zhvillohet sot në Zym.
Bëhet fjalë për garën e dytë në disiplinën malore, pas asaj që është zhvilluar në Prevallë.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj Kontribuo“Nuk ka dyshim se numri i pjesëmarrësve edhe kësaj radhe do të jetë i madh, pasi disiplina malore është më atraktive për garuesit. E njëjta pritet të ndodhë edhe me numrin e dashamirëve të automobilizmit”, thuhet në njoftimin e Federatës së Auto Sportit, transmeton Koha.net.
Federata e Auto Sportit e Kosovës thotë se në bashkëpunim me institucionet tjera relevante (Policinë e Kosovës, Ndihmën e Shpejtë dhe Brigadën e Zjarrfikësve) i ka ndërmarrë të gjitha masat që gara të zhvillohet në mënyrën më të mirë të mundshme.
Paraqitja e pjesëmarrësve në garë bëhet të shtunën me fillim orën 8:30.
Më vonë, pas procedurave të zakonshme, do të zhvillohen dy vozitjet provuese, ndërsa aktiviteti për të shtunën përfundon rreth orës 16:00.
Të dielën, duke filluar në orën 10:00 bëhet renditja e garuesve, starti i vozitjes së parë është në orën 12:00, ndërsa gara pritet të mbyllet në orën 16:00 me ceremoninë e shpalljes së fituesve.