Prej se u shfaq publikisht në skenën politike, Kadri Veseli proklamoi transparencën, por pyetjet e gazetarëve nuk janë të mirëpritura asnjëherë në Partinë Demokratike të Kosovës.
Është hera e dytë brenda pak kohësh qëkur kryetari i PDK-së, Veseli, thirr konferencë për media, por gazetarët aty e kanë rolin vetëm të spektatorit, sepse ai flet çka të dojë dhe largohet pa pranuar pyetje, raporton KTV.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoNë paraqitjen e tij para mediave, sërish foli se është për t’i dëgjuar të gjithë, derisa në fund të fjalimit të tij nuk priti të dëgjojë pyetjet e gazetarëve.
Kjo sjellje e Veselit i nervozoi gazetarët e pranishëm, të cilët thonë se përfaqësuesit e partive shpesh thirrin konferencë për media, duke mos treguar për temën dhe flasin çfarë të duan.
Gazetarët thonë se në të ardhmen do ta praktikojnë që të bojkotojnë tërësisht konferencat e tilla, ku nuk lejohen pyetjet.
Asociacioni i Gazetarëve të Kosovës është kundër kësaj qasjeje të liderëve ndaj mediave.