Me organizim të Ambasadën Amerikane, përkatësisht Zyrën për Mbrojte dhe bashkëpunim, në Prishtinë, po mbahet DIMO Seminari "Zhvillimi i Sistemeve Shëndetësore dhe Praktikat më të Mira”, njofton kumtesa nga QKUK, transmeton Koha.net.
Përfaqësues të certifikuar nga Instituti i Mbrojtjes i Operacioneve Mjekësore, po mbajnë ligjërata nga lëmi i menaxhimit të sistemeve shëndetësore dhe resurseve humane për 25 menaxherë dhe pjesëmarrës të përzgjedhur nga Shërbimi Spitalor Klinik Universitar i Kosovës (SHSKUK).
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoNë ceremoninë hapjes, në emër të Shërbimit Spitalor Klinik Universitar të Kosovës (SHSKUK) dhe të drejtorit të përgjithshëm dr. Curr Gjocaj, organizatorët dhe pjesëmarrësit i falënderojë dr. Shemsi Veseli, anëtar i bordit në detyrë të SHSKUK-së. “Ndihma dhe përkrahja e Ambasadës Amerikane dhe Shteteve të Bashkuara të Amerikës për QKUK, ka qenë e vazhdueshme dhe në të janë përfshirë 3 komponentë kyç, investimet në infrastrukturë në disa klinika në QKUK dhe pajisje mjekësore, përkrahje direkte për shërim pacientët tanë në Klinikën e Pediatrisë përmes profesionistëve shëndetësorë nga SHBA që kanë ndihmuar dhe mjekuar qindra fëmijë. Po ashtu, Edukimi i Vazhdueshëm Profesional, për çka edhe jemi mbledhur sot”, tha mes tjerash dr. Veseli.
Sipas tij, kjo do të ndikojë në ngritjen profesionale të njohurive të profesionistëve shëndetësorë dhe njerëzve që direkt merren me menaxhim. Dr. Veseli duke rikujtuar edhe mbështetjen e përgjithshme që po bën SHBA për Kosovën, shprehu bindjen se bashkëpunimi dhe përkrahja do të vazhdojnë edhe në të ardhmen.
Në emër të Zyrës për Mbrojte dhe Bashkëpunim e cila vepron në kuadër të Ambasadës Amerikane, fjalë rasti mbajti Major Brian A. Devlin, i cili fillimisht përshëndeti të pranishmit dhe njoftoi se seminari trajton çështjet themelore për ofruesit e kujdesit shëndetësor dhe menaxherët. Sipas tij, gjatë seminarit do të trajtohen tema që kanë të bëjnë me kujdesin shëndetësorë dhe menaxhimin e burimeve njerëzore, duke përmirësuar gjendjen shëndetësore të qytetarëve dhe për të kontribuar të interesave të sigurisë kombëtare të Kosovës.
Seminari do të zgjasë pesë ditë dhe do të përmbyllet të premten.