Përfaqësues të shqiptarëve të Luginës së Preshevës, konsiderojnë se problemi i shqiptarëve në Luginë është politik, ndërkohë që zgjidhjen e tyre e shohin përmes vazhdimit të dialogut me qeveritarët e Serbisë.
Sami Salihu, kryetar i Kuvendit në Preshevë, ka thënë se Serbia nuk po tregon vëmendjen e duhur ndaj shqiptarëve në Luginë, por ne do të insistojmë që të drejtat tona të realizohen, njofton televizioni publik.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoKryetari i Bashkimit Demokratik të Luginës, Skender Destani, ka akuzuar qeveritarët serbë për neglizhencë të kërkesave të shqiptarëve.
I pari i Këshillit të të Drejtave të Njeriut në Luginë, Belgzim Kamberi, ka kërkuar një presion më të madh të Tiranës zyrtare karshi Beogradit, në mënyrë që të përmirësohet gjendja e shqiptarëve në Luginë.
Qeveria e Serbisë ka pranuar platformën e shqiptarëve të Luginës e cila përmban shtatë kërkesa themelore për realizimin e të drejtave të tyre.
Përfaqësuesit politikë dhe ata të shoqërisë civile që veprojnë në këtë rajon dyshojnë se pranimi i kësaj platforme është bërë sa për arsyetim para faktorit ndërkombëtar.