Portali Ekonomia Online është duke i realizuar videot promovuese të kryetarit të Kuvendit, Kadri Veseli. Për to, buxheti i Kosovës ka paguar afër 9 mijë euro për 6 muaj.
Kjo nuk ishte pranuar javën e kaluar nga Sekretariati i Kuvendit, kur KTV-ja kishte kërkuar sqarime. Aty është thënë se videot po bëhen nga stafi në kabinet të kryetarit Kadri Veseli.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoInformacionet televizionit megjithatë i janë mundësuar pas një kërkese të bërë, duke shfrytëzuar Ligjin për qasje në dokumente publike.
Në aneksin 1 të kontratës, ku jepen specifikimet teknike të detyrueshme, në pikën 3, thuhet se kontraktuesi duhet të ndjekë aktivitetet e kryetarit jashtë ndërtesës së Kuvendit, sipas agjendës së konfirmuar nga Zyra e kryetarit.
Operatori i kontraktuar do të ofrojë shërbimet e kërkuara gjatë vizitave të kryeparlamentarit nëpër Komuna të Kosovës, ku përfshihen bizneset, OJQ-të, institucionet arsimore, shëndetësore dhe shoqata të ndryshme, shkruan në kontratë.
Kontrata 6 mujore taksapaguesve u ka kushtuar 8 mijë e 970 euro dhe është nënshkruar pa shpallur tender dhe Ekonomia Online është zgjedhur me procedurë të negocimit.