Jo të gjithë mjekëve u ka pëlqyer vendimi i Ministrisë së Shëndetësisë që infarkti akut në Qendrën Klinike Universitare të Kosovës të trajtohet gjatë 24 orëve të ditës, shkruan sot Koha Ditore.
Gazeta është informuar se një numër i konsiderueshëm i kardiologëve nuk do të pranojnë të kryejnë koronarografi e stentime, sipas këtij regjimi kohor.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoDeri tash këto shërbime në QKUK janë kryer deri në orën 19:00 pasdite. Fundjavat, festat dhe orët pas këtij termini nuk janë trajtuar fare nga QKUK-ja. Periudha kur kanë munguar shërbimet i kanë kushtuar buxhetit të shtetit afro 2 milionë euro në vit.
Sabotimin e një pjese të mjekëve e kanë pranuar në mënyrë të tërthortë në QKUK. Por kanë thënë se edhe pa ta, Klinika ka kuadër të mjaftueshëm për të përballuar trajtimin e infarktit akut 24 orë.
Gazeta ka kontaktuar drejtorin e QKUK-së, Basri Sejdiu. Ai e ka konfirmuar se disa mjekë i “frikësohen” këtij regjimi të punës.
“Janë shtatë kardiologë invazivë. Edhe unë, edhe Tefiki (v.j. drejtor i Klinikës) do të jemi në dispozicion edhe natën kur ka nevojë për ndërhyrje”, ka thënë ai...(Artikullin e plotë mund ta lexoni në numrin e sotëm të Kohës Ditore)