Kryeministri i Shqipërisë, Edi Rama, në mbledhjen e grupit parlamentar të Partisë Socialiste ka zbardhur disa pika të takimit me homologun e tij grek, Aleksis Tsipras. Sipas Ramës, është duke u arritur një marrëveshje historike me Greqinë, pasi po punohet në shumë drejtime.
Kryeministri tha se po punohet për Ligjin e luftës dhe komunitetin çam për t’i garantuar atij të drejta të plota, shkruan sot “Koha Ditore”.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj Kontribuo“Pajtohem me përshtypjet se momenti i nënshkrimit të një dokumenti të ri për partneritet strategjik me Greqinë është shumë afër. Duhet të presim raportin e shkruar për një sërë temash, që prekin harkun kohor të 70 vjetëve, duke filluar nga ligji absurd i luftës, deri tek komuniteti çam për të pasur lëvizje të lirë dhe akces të plotë ligjor për sa u përket të drejtave të pronësisë. Po ashtu po punojmë dhe për lehtësimin e të gjitha marrëdhënieve që kushtëzojnë komunitetin e madh të shqiptarëve në Greqi në aspektin e burokracive dhe të lëvizjes, përfundimin e procesit dhe garantimin e këtyre marrëdhënieve, por edhe përmes përfundimit të një marrëveshjeje mes dy ministrive të brendshme, që përbëjnë një hap të konsiderueshëm përpara”, deklaroi kryeministri i Shqipërisë.
Nga ana tjetër, kryeministri i Shqipërisë tha se po e shohim me shumë simpati dialogun mes Greqisë dhe Maqedonisë, ku këto negociata të vështira, sipas Ramës, do t’i hapin rrugën Maqedonisë për integrimin e saj në NATO dhe BE. Ndërkohë që të hënën, Komisioni për Politikë të Jashtme në Parlamentin e Shqipërisë ka thirrur në një seancë dëgjimore lidhur me bisedimet me Greqinë dhe çështjen çame ministrin për Evropën dhe Punët e Jashtme, Ditmir Bushati... (më gjerësisht lexoni sot në “Koha Ditore”)