“Qeveria po mundohet të mashtrojë popullin me ndërlidhjen e pagës minimale me skemën e veteranëve”

Florina Duli nga Iniciativa Kosovare për Stabilitet ka thënë se qeveria po mundohet të mashtrojë popullin se nëse rritet paga minimale do të rriten edhe shpenzimet për veteranët e luftës.

Në “Express” të KTV-së, ajo ka thënë se qeveria ose është injorante ose po mundohet të llogarisë në injorancën e popullit.

“Ata llogarisin që populli nuk di për ndryshimet në skemën e veteranëve ku fshihet neni 18 që ka bërë ndërlidhjen e barasvlerës në pagën minimale dhe skemës së veteranëve”, ka thënë ajo.

Pak më herët Haki Shatri nga Qeveria ka thënë se si shkak i ndërlidhjes së pagës minimale me kategoritë e dala prej luftës, Kosova nuk ka mundësi që të rrisë pagën minimale prej 170 në 250 euro, siç ka propozuar Këshilli Ekonomik Social.