Në Presidencë e kanë mohuar të mërkurën ta kenë sponsorizuar në çfarëdo mënyre një libër që është në prag botimi, e që, bazuar në paralajmërim, e ngrit në qiell figurën e Hashim Thaçit, shkruan sot Koha Ditore.
Në të i atribuohet merita presidentit të tashëm për bindjen e faktorit ndërkombëtar që të intervenojë ushtarakisht në Kosovë.
Libri mban titullin “New State, Modern Statesman: Hashim Thaçi – A Biography” dhe është shkruar nga Roger Boyes dhe Suzy Jagger. Roger Boyes është gazetar britanik dhe redaktor diplomatik i gazetës “Times”, i cili ka eksperiencë në shkrimin e biografive politike. Suzy Jagger është zëvendësredaktore në të njëjtën gazetë. Kjo biografi do t’i ketë 320 faqe, për botues ka “Biteback Publishing” dhe edicioni i shtypur do të dalë në shitje më 16 janar.
Në Presidencë kanë thënë të mos e kenë marrë iniciativën për këtë botim.
(Shkrimin e plotë lexojeni sot në Koha Ditore)
Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.