Bashkimi i Sindikatave të Pavarura të Kosovës e konsideron si rast skandaloz paralajmërimin për ngritjen e çmimit të energjisë elektrike, sepse sipas tyre, kjo shkon në dëm të të gjitha kategorive të punëtoreve si dhe shpreh mosrespektim ndaj qytetarëve të Kosovës.
Në një konferencë të organizuar lidhur me këtë çështje, kryetari i kësaj sindikate Avni Ajdini, tha se ky shtrenjtim i rrymës i cili po bëhet është i papërballueshëm për qytetaret e vendit, për arsye se, sipas tij, papunësia në vend është 50%, derisa ka ngritur pyetjen se si një punëtor më pagë minimale prej 170 do ta përballojë këtë ngritje, shkruan KP.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj Kontribuo“Shtrenjtimi i rrymës i cili është duke u bërë konsiderojmë së është i pamatur, sepse ne nuk e dimë se a kanë menduar për punëtorët se si mund ta bëjnë këtë pagesë për arsye se ne themi se 50% e popullsisë është e papunë. Po ashtu ne si BSPK e kundërshtojmë këtë hap negativ sepse një qytetar me 170 euro pagë minimale si do ta përballoj këtë ngritje”, tha ai.
Ajdini bëri thirrje për protestë popullore e cila do të mbahet më 1 Maj të vitit të ardhshëm.