Kosova, vendi me më së shumti rezerva të thëngjillit dhe me standardin më të ulët jetësor në Evropë, çmimin e energjisë e ka pothuajse të njëjtë me shtetet e BE-së.
Pikërisht kjo situatë ka nxitur reagimin e shoqërisë civile, e cila ka thirrur protestë për të mërkurën, për ta kundërshtuar mundësinë e rritjes së çmimit të energjisë, raporton KTV.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoOrganizatorët e protestës kërkojnë nga institucionet e vendit si dhe Zyra e Rregullatorit të Energjisë Elektrike, që të mos lejojnë rritjen e tarifave për energji.
Qytetarët janë të shqetësuar nga paralajmërimi i shtrenjtimit të rrymës.
Rreth kësaj iniciative për protestë, KEDS-i ka deklaruar se kjo kompani nuk ka autoritet për përcaktimin e çmimit të energjisë elektrike, gjë që, sipas tyre, kjo protestë është adresuar gabimisht.
“KEDS-i, si kompani që u nënshtrohet ligjeve të Republikës së Kosovës, ka për detyrim të zbatojë politikat e Zyrës së Rregullatorit të Energjisë Elektrike dhe nuk ka asnjë ndikim ose autoritet në përcaktimin e çmimeve të energjisë elektrike”.
Sidoqoftë, shoqëria civile thotë se do të protestojë deri sa të marrë garanci se nuk do të ketë rritje të çmimit të energjisë elektrike.