Për herë të dytë ka dështuar seanca fillestare ndaj ministrit të Zhvillimit Ekonomik, Valdrin Lluka, raporton KTV.
Shkas përsëri ka qenë mungesa e të akuzuarës tjetër, ish-sekretares së ministrisë, Eliana Naka.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoAjo dhe ministri akuzohen për konflikt interesi nga Prokuroria në kohën sa Lluka drejtonte Agjencinë për Promovim të Investimeve.
Avokatja e Nakës ka sjellë në Gjykatë një vërtetim të muajit tetor se e pandehura vazhdon të jetë në gjendje të vështirë shëndetësore.
Por, kjo është kritikuar nga kryetari i trupit gjykues, duke thënë se pala është duke penguar procedurën gjyqësore.
Për këtë, prokuroria ka pasur një propozim.
Trupi gjykues e ka miratuar dhe ka lëshuar urdhër për sjellje me detyrim për Eliana Nakën në seancën e ardhshme por pastaj e ka tërhequr këtë urdhër, duke i besuar avokates se klientja e saj do të jetë e pranishme.
Por, mbrojtja e ministrit Lluka ka ripërsëritur qëndrimin për ndarjen e rastit. Për herë të dytë, Gjykata ka refuzuar veçim të procedurës dhe seanca e radhës është caktuar për javën tjetër.