Presidenti i Kosovës, Hashim Thaçi, ka mirëpritur vendimin e qeverisë që të procedojë në Kuvend marrëveshjen aktuale të demarkacionit.
Në Facebook, Thaçi ka shkruar se me vendimin e sotëm merr fund saga e, siç thotë ai, ‘debateve shterpe akademike, të cilat duke mos sjellë asnjë argument të ri, për tre vjet me radhë, kanë prolonguar izolimin e qytetarëve të vendit, duke shkaktuar konfuzion dhe frikë se kinse Kosova rrezikon të humbë territor’, raporton KTV.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoAi u ka kërkuar deputetëve votim të marrëveshjes.
Kurse, kryetari i PDK-së dhe i Kuvendit, Kadri Veseli, ka thënë se marrëveshja duhet të kalojë dhe vota e partisë së tij është “pro”.
Të besueshëm e ka vlerësuar raportin kryeministri i Kosovës, Ramush Haradinaj, i cili ka thënë se është vërtetuar se versioni aktual i marrëveshjes dëmton tërësinë territoriale të Kosovës.
Megjithëkëtë, versioni aktual i marrëveshjes është proceduar në Kuvend.
Ndërkohë, kreu i Lidhjes Demokratike të Kosovës, Isa Mustafa, pas procedimit të Demarkacionit në Kuvend nga ana e Qeverisë ka thënë se ajo që ka ndodhur në ekzekutiv është diçka jo e rëndomtë.
Mustafa ka thënë se ende nuk është e qartë se çka ka dërguar në Kuvend kryeministri, marrëveshjen e vitit 2015, apo diçka tjetër.