Sot, e enjte, mbahet në Sarajevë Samiti i kryeministrave të Ballkanit Perëndimor, ku do të marrë pjesë dhe komisar europian për Marrëdhënie Fqinjësore dhe Zgjerim të BE-së, Johanes Hahnn, dhe ministri i Jashtëm i Italisë, Angelino Alfano.
Krerët e qeverive të Serbisë, Shqipërisë, Kosovës, Malit të Zi dhe Maqedonisë kanë mbërritur në kryeqytetin boshnjak, ndërsa kanë darkuar së bashku.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoNë Samit, punimet e të cilit po zhvillohen nën masa të rrepta sigurie, pritet të diskutohet për një sërë projektesh të përbashkëta, që do të financohen nga Bashkimi Evropian, si edhe për krijimin e një tregu të përbashkët.
“Tema kryesore do të jenë projektet ndërlidhëse rajonale, ndërsa do të bëhet fjalë edhe për infrastrukturën transportuese dhe energjetike”, kanë saktësuar mikprirtësit e këtij samiti.
Vuçiq ka përmendur tregun e përbashkët të Ballkanit Perëndimor, që e dëshiron edhe Angela Merkel, si dhe autostradën Nish-Prishtinë-Durrës, por edhe projektin për ndërlidhje të rajonit me hekurudha.
Kryeministrat e Ballkanit Perëndimor janë takuar gjatë këtyre viteve të fundit në Berlin dhe Paris, nismë kjo e kancelares Merkel për të ulur tensionet dhe nxitur bashkëpunimin.
Përveç temave që do të diskutojnë, samiti merr vëmendje edhe për shkak të vizitës së kryeministrit serb, Aleksandër Vuçiq. Masat e sigurisë janë të rrepta, pasi mediat raportuan se ndaj tij mund të përgatitej ndonjë atentat.
Vuçiq tha se bisedimet nuk do të jenë të lehta me homologun e tij boshnjak dhe atë të Kosovës, Mustafa.