Mbledhja e ndërprerë të premten e Kuvendit të Kosovës, do të vazhdojë të mërkurën, më 29 nëntor. Njoftimi vjen nga Zyra për media dhe marrëdhënie me publikun e Kuvendit.
Në të thuhet se vazhdimi i seancës plenare të Kuvendit të Republikës së Kosovës do mbahet më 29 nëntor dhe se do të fillojë në orën dhjetë.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoTash disa herë seanca e Kuvendit është ndërprerë, herën e parë për shkak se deputetët e partive në pushtet – PDK me aleatët, braktisën seancën në shenjë proteste ndaj EULEX-it, ndërsa të premten e shkuar për shkak të arrestimit të deputetëve të Vetëvendosjes opozita lëshoi seancën.
Rendi i ditës mbetet i pandryshuar – me 23 pikë, ndër to Projektligji për liritë fetare, për Presidentin, për Trashëgiminë në Kosovë dhe shumë të tjera, që lidhen edhe me eurointegrimet e vendit.
Në vazhdim rendi i ditës për seancën e thirrur për të mërkurën:
R e n d i i d i t ë s
3. Miratimi i procesverbaleve nga seancat e mëparshme,
4. Shqyrtimi i parë i Projektligjit për ndryshimin dhe plotësimin e Ligjit nr. 02/L-31për Lirinë Fetare në Kosovë,
5. Shqyrtimi i parë i Projektligjit për kryeqytetin e Republikës së Kosovës/Prishtinën,
6. Shqyrtimi i parë i Projektligjit për Tatimin në Pronën e Paluajtshme,
7. Shqyrtimi i parë i Projektligjit për ndryshimin dhe plotësimin e Ligjit nr. 2004/26 për Trashëgiminë në Kosovë,
8. Shqyrtimi i parë i Projektligjit për ndryshimin dhe plotësimin e Ligjit nr. 03/L-094 për Presidentin e Republikës së Kosovës,
9. Shqyrtimi i parë i Projektligjit për ndryshimin dhe plotësimin e Ligjit nr.03/L-007 për procedurën jo-kontestimore,
10. Shqyrtimi i parë i Projektligjit për Ndërmjetësim,
11. Shqyrtimi i parë i Projektligjit për Shoqëritë Tregtare,
12. Shqyrtimi i parë i Projektligjit për Standardizim,
13. Shqyrtimi i parë i Projektligjit për ndryshimin dhe plotësimin e Ligjit nr.04/L-072 për kontrollin dhe mbikëqyrjen e kufirit shtetëror, i ndryshuar dhe i plotësuar me Ligjin nr. 04/L-214,
14. Shqyrtimi i parë i Projektligjit për infrastrukturën kritike,
15. Shqyrtimi i parë i Projektligjit për Noterinë,
16. Rekomandimi i Komisionit për Administratë Publike, Qeverisje Lokale dhe Media për shkarkimin e një anëtari të Bordit të Radiotelevizionit të Kosovës,
17. Shqyrtimi i Raportit Vjetor të Bankës Qendrore të Republikës së Kosovës për vitin 2016,
18. Shqyrtimi i Raportit Vjetor Financiar për Buxhetin e Republikës së Kosovës për vitin 2016,
19. Shqyrtimi i Raportit Vjetor për funksionimin e sistemit të kontrollit të brendshëm të financave publike në sektorin publik të Kosovës për vitin 2016,
20. Formimi i Komisionit Ad-hoc për përzgjedhjen e kandidatëve për një (1) anëtar të Bordit të Radiotelevizionit të Kosovës nga komuniteti serb,
21. Formimi i Komisionit Ad-hoc për përzgjedhjen e kandidatëve për një (1) anëtar të Bordit për Ankesa,
22. Zgjedhja e një (1) anëtari të Komisionit të Pavarur të Mediave,
23. Zgjedhja e dy (2) anëtarëve të Bordit Drejtues të Fondit të Kursimeve Pensionale të Kosovës.