Ndërtimi i gazsjellësit TAP ka hapur perspektiva për ndërtimin e burimeve të reja energjetike në jug të vendit.
Sipas masterplanit të gazit në Shqipëri janë dy termocentrale të rinj që mund të ndërtohen në zonën e Korçës dhe të Kuçovës pranë gjurmës dhe stacioneve të pompimit ku kalon gazjellësi.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoSi Korça dhe Kuçova kanë pasur më parë TEC me mazut, por që janë nxjerrë jashtë funksionit prej dekadash. Ngritja e këtyre dy centrale me lëndë djegëse vjen si ide në një moment kur Shqipëria po kalon një krizë prodhimi energjie në Kaskadën e Drinit për shkak të thatësirës dhe mungesës së burimeve alternative.
TEC i Vlorës është jashtë funksionit dhe me teknologjinë që ka, kosto e prodhimit të energjisë del tepër e lartë. Edhe ai është parashikuar për t’u përshtatur për të përdorur gazin natyror si lëndë të parë.
Termocentralet e reja parashikohen si koncesione dhe për të nxitur investimet e rëndësishme, në Kuvend ka mbërritur propozimi i Qeverisë që për investimet mbi 100 milionë euro në energjetikë dhe me fuqi të instaluar mbi 2 megavat, procedurat të përshpejtohen, raporton Tch.
Termocentrali i Korçës është parashikuar me një fuqi prej 200 megavatësh dhe konsumi vjetor do të arrijë deri në 125 milion metra/kub gaz në vit. I njëjti nivel konsumi është parashkiuar edhe për TEC-in e Kuçovës.