Presidenti i Kosovës, Hashim Thaçi ka thënë se vonesat e miratimit të marrëveshjes së demarkacionit, janë të dëmshme për Kosovën, pasi sipas tij demarkacioni është në rregull dhe profesionalisht i argumentuar mirë.
Këtë deklaratë presidenti Thaçi e bëri sonte në hapjen e konferencës rajonale të sigurisë “NATO dhe Ballkani Perëndimor: Dinamikat rajonale në erën e sfidave globale të sigurisë”.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoVonesën e miratimit të marrëveshjes së demarkacionit, Thaçi e ka quajtur të dëmshme për Kosovën.
“Marrëveshja e demarkacionit, në gusht 2015, është e qartë, e saktë, profesionalisht e argumentuar dhe e mbështetur nga bashkësia ndërkombëtare. Çdo pretendim tjetër është zhagitje, humbje kohë dhe e dëmshme për shtetin e Kosovës dhe të ardhmen euroatlantike të vendit tonë”, theksoi ai, raporton KP.
Përderisa Kosova mbetet e izoluar pikërisht edhe për mos miratimin e demarkacionit, Thaçi tha se Kosova ka mbetur e izoluar për shkak të pengesave politike të Serbisë, përkundër faktit që Kosova është shteti më proevropian, më pro NATO dhe më pro amerikan në botë.
“Kosova është kampion në rajon edhe në luftimin e ekstremizmit të dhunshëm dhe terrorizmit, përkundër faktit se jemi të anashkaluar, ne ende nuk jemi bërë anëtarë të Interpol-it. Kosova është shembull jo vetëm në këtë anë të Evropës për tolerancë ndërfetare dhe etnike, mirëpo ende nuk jemi bërë anëtar të UNESCO-s, për shkak të pengesave politike të Serbisë dhe shteteve tjera që e keqpërdorin UNESCO-n për qëllime politike”, theksoi presidenti.