Tri banesa të blera nga Milaim Zeka në Prishtinë, janë sekuestruar nga shteti, raporton KTV.
Paratë për blerjen e këtyre banesave, dyshohet se kanë prejardhje nga mashtrimi që Milaim Zeka dhe partneri i tij, Ilir Krasniqi u kanë bërë 920 kosovarëve me viza pune në Gjermani.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoSekuestrimi i banesave është bërë të premten me vendim të Gjykatës Themelore të Prishtinës.
Avokati i tij mbrojtës Gazmend Halilaj ka thënë për KTV-në se pasuria e ngrirë e Zekës nuk korrespondon me asnjë fakt të vetëm e cila në çfarëdo mënyrë mund të jetë e fituar nga veprime penale.
Sipas tij për këtë pasuri as Zeka e as vetë ai si avokat nuk janë të njoftuar për hetimet që janë bërë për pasurinë e Zekës.
Ai ka thënë se ky veprim është në kundërshtim të plotë me parimet bazë të drejtësisë.