Sektorët më vitalë, siç janë ekonomia, arsimi dhe shëndetësia, janë sektorët që janë lënë anash në Kosovë.
Kështu tha sot drejtori i KFOS-it, Luan Shllaku, në tryezën “Çështjet që e frenojnë zhvillimin në Kosovë”, organizuar nga Forumi 2015.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoSipas Shllakut qëllimi i këtij forumi është t’i ndihmojë politikanët me analizat që janë bërë.
“Besoj se këto analiza do t’i prijnë agjendën qeveritare për t’i kthyer këta sektorë aty ku e kanë vendin”, tha Shllaku.
Për analisten e politikave arsimore, Besa Shahini, nuk ka asnjë dilemë që arsimi në Kosovë është në një krizë të thellë.
“Është kriza më ë madhe prej së është themeluar arsimi. Nëse sistemi i arsimit nuk i aftëson nxënësit për ta kuptuar tekstin e shkruar kemi problem në përgatitjet e fëmijëve. Është një krizë e thellë e arsimit para universitar. Edhe nxënësit e varfër dhe ata të pasur të gjithë kanë dal keq në testin PISA. Sistemi po i dështon të gjithë. 10 vitet e fundit është trefishuar numri i studentëve ndërsa janë marrë një numër i mësimdhënësve pa përvojë. Kemi inflacion diplomash por jo cilësi”, tha Shahini.
Sipas saj arsyeja pse kanë mbërri në këtë pikë janë tre faktorë, faktori historik, planifikimi i dobët dhe buxheti i ulët.