Prishtinë, 19 tetor – Presidenti i Republikës së Kosovës, Hashim Thaçi ka pritur sot zëvendëskryeministren dhe ministren e Punëve te Jashtme te Republikës së Bullgarisë, znj. Ekaterina Zaharieva.
Në njoftimin për media nga ky takim, thuhet se presidenti Thaçi pasi i ka shprehur mirënjohje për mbështetjen e vazhdueshme që Bullgaria i ka dhënë Kosovës gjatë procesit të shtetndërtimit dhe anëtarësimit në organizata ndërkombëtare, ka shtuar se “Bullgaria është partner strategjik i Kosovës dhe se Bullgaria në vazhdimësi ka qenë një mbështetëse e Kosovës në rrugën e saj euroatlantike”.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj Kontribuo“Kemi ndërtuar marrëdhënie të mira bilaterale. Tani kemi nevojë për një bashkëpunim më të madh ekonomik ndërmjet të dyja vendeve”, ka theksuar Presidenti.
Zëvendëskryeministrja dhe ministrja e Punëve te Jashtme te Republikës së Bullgarisë, Ekaterina Zaharieva ka thënë se Bullgaria mbështet të gjitha përpjekjet për paqe e stabilitet në rajon.
“Duhet të shikojmë nga e ardhmja në paqe e bashkëpunim”, u shpreh ajo.
Presidenti Thaçi u shpreh se Kosova është mirënjohëse për përkrahjen e vazhdueshme të shtetit të Bullgarisë.