Republika Federale e Gjermanisë do të vazhdojë të mbështes Republikën e Kosovës në rrugën e saj drejt zhvillimit ekonomik, ka deklaruar Ambasadori i Gjermanisë në Prishtinë, Christian Heldt gjatë takimi që zhvilloi me Ministrin e Zhvillimit Ekonomik, Valdrin Lluka.
Ministri Lluka njohu diplomatin gjerman me prioritet e resorit që drejton duke vënë theksin në sektorët strategjikë, në zhvillimin e të cilëve nuk ka munguar ndihma e Gjermanisë.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoKreu i MZHE-së ritheksoi se sektorët si energjia, minierat, ujërat dhe teknologjia e informacionit janë sektorë kyç për zhvillim të qëndrueshëm, andaj puna e tij gjatë këtij mandati do të fokusohet në këta sektorë.
Më tej, ministri duke folur për projekte konkrete, falënderoi Gjermaninë për mbështetjen e madhe që i ka dhënë vendit tonë në sektorin e energjisë dhe ujërave, respektivisht linjën e interkoneksionit Kosovë-Shqipëri dhe fabrikën e ujit në Shkabaj, projekte këto që ndikojnë direkt në cilësinë e jetës së qytetarëve.
Sipas një komunikate të MZHE-së, Lluka rikonfirmoi interesimin e MZHE-së për të vazhduar këtë bashkëpunim duke vlerësuar Gjermaninë si partner strategjik për zhvillimin ekonomik të vendit.
Ministri Lluka dhe Ambasadori Christian Heldt po ashtu biseduan për ecurinë e zhvillimit projekteve me rëndësi kapitale për vendin dhe ritheksuan se ekziston një bashkëpunim shumë i mirë bilateral mes dy vendeve, i cili duhet avancuar më tej edhe në aspektin ekonomik.