PDK-ja para disa ditësh pretendonte se truproja e Imri Ahmetit, Mentor Vishesella, e kishte kërcënuar me vrasje kandidatin e PDK-së për kryetar të komunës së Lipjanit, Ismet Hajrullahun.
Në një prononcim për Koha.net, Imri Ahmeti e mohoi një gjë të tillë, duke i quajtur shpifje ato që i thonë ata.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoLEXO EDHE: PDK-ja thotë se truproja e Imri Ahmetit kërcënoi me vrasje kandidatin e saj për Lipjan
E këtë veprim edhe Mentor Vishesella po e mohon.
Thotë se ka dërguar një padi në Gjykatë, për siç thotë ai, “totalisht shpifje”.
“Sot e drejtova një padi në Gjykatë, Padi kjo e drejtuar Partisë Demokratike të Kosovës dhe Kandidatit për Kryetar Ismet Hajrullahu kundrejt shpifjeve qe janë bërë se kinse unë e kam kërcënuar me vdekje Ismet Hajrullahun. Kjo totalisht është një shpifje prandaj kërkojë nga organet e drejtësisë qe kjo shpifje të dënohet në bazë të normave ligjore, sepse me këto shpifje po nxitet urrejtje dhe po tensionohen raportet mes qytetarëve. Ndoshta ky edhe është qëllimi i tyre të fusin përçarje e konflikte në shoqëri. T'i besojmë organeve të drejtësisë”, ka shkrua Vishesella në Facebookun e tij.
Njëjtë pati reaguar edhe LDK-ja përmes një kumtese për media, duke thënë se kjo është vetëm një shpifje e radhës nga PDK-ja.
LEXO EDHE: LDK-ja e quan shpifje pretendimin e PDK-së në Lipjan
{gallery}