Sipas Ambasadës së Republikës së Kosovës në Kanada “produktet e Stone Castle do të gjenden fillimisht online dhe së shpejti edhe fizikisht në të gjitha dyqanet e LCBO-së”.
Promovimi dhe krijimi i tregjeve të reja për produktet #MadeinKosova është prioriteti numër një i Diplomacisë Ekonomike dhe Ambasada e Republikës së Kosovës në Kanada, është krenare për këtë rezultat të Stone Castle, thuhet në një postim në faqen zyrtare në Facebook të ambasadës.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoNdërmarrja “Stone Castle” është themeluar në vitin 1953, së bashku me evoluimin e industrisë se rrushit dhe të verës në këtë regjion, e cila daton qe nga koha Ilire rreth 2000 vite më parë gjë e cila vërtetohet me shumë dëshmi arkeologjike të gjetura në këtë regjion, raporton albinfo.ch.
Stone Castle është privatizuar në vitin 2006 dhe është pronë e afaristit të suksesshëm amerikan me prejardhje nga Kosova, Rrustem Gecaj, i cili pas privatizimit në vitin 2006 ka bërë investime me vlerë mbi 15 milionë dollarë në teknologjinë e prodhimit të verës dhe në vreshtari si rezultat i të cilit kanë krijuar mundësinë për prodhimin e rrushit dhe verës së një cilësie të lartë.
Kompania Stone Castle sot ka të punësuar mbi 400 punëtorë, me ekspertë të vreshtarisë dhe verarisë me kualifikim të lartë dhe eksperiencë të gjatë në prodhimin e rrushit dhe verës. Kapaciteti i përgjithshëm i kompanisë Stone Castle është 30 milionë litra verë.
Kompania Stone Castle, mbulon mbi 60% të tregut kosovar të verërave dhe është prezent në tregun global me shitje në: Shqipëri, Serbi, Gjermani, Zvicër, Çeki, Nigeri dhe në Shtetet e Bashkuara të Amerikës. Tashmë kësaj liste i shtohet edhe shteti i Kanadasë.