Ministri i Tregtisë dhe Industrisë, Bajram Hasani, priti në takim njoftues ambasadorin e Austrisë në Kosovë, Gernot Pfandler, të shoqëruar nga Eva Elisbeth Michlits, sekretare e parë Konsulle pranë Ambasadës austriake në Prishtinë, Vjosa Huruglica, udhëheqëse e zyrës së Odës Ekonomike austriake në Kosovë, bëhet e ditur përmes një komunikate për media.
Ambasadori austriak Pfandler e uroi ministrin Hasani për marrjen e detyrës së re në krye të MTI-së, me ç’rast e njoftoi atë me bashkëpunimin që shteti austriak ka pas në të kaluarën me shtetin e Kosovës në fushat që kanë të bëjnë me ekonomi, si dhe vazhdimin e këtij bashkëpunimi edhe në të ardhmen. Hasani shprehu falënderimin e tij dhe të ministrisë që drejton për ndihmën e shtetit Austriak në shtet-ndërtimin e Republikës së Kosovës në përgjithësi e në zhvillimin ekonomik në veçanti.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoMë tej, Hasani bisedoi edhe kërkoi nga ambasadori mbështetje që shteti austriak të jetë prezent me investitorë në fusha të ndryshme të ekonomisë, pasi që institucionet e reja të Republikës së Kosovës po bëjnë të pamundurën që të krijojnë klimë të favorshme për këta investitorë duke e ditur rëndësinë e tyre në zhvillimin ekonomik të vendit dhe mundësinë e ecjes së Kosovës krahas vendeve tjera në regjion dhe synimit për hapat drejt Bashkimit Evropian.