Ministri i Turizmit i Shqipërisë, Blendi Klosi, ka thënë se bashkë me dy zëvendësit e tij, Ornela Çuçin dhe Hajrulla Çekun do të angazhohen që turizmin në Shqipëri ta kthejnë në industri.
“Faleminderit Ornela Çuçit, eksperte e spikatur e çështjeve mjedisore, (Doktor i Shkencave Mjedisore) dhe Hajrulla Çekut, i spikatur gjithashtu për aktivitetin e tij në fushën e promovimit të trashëgimisë kulturore me qasje zhvillimin e turizmit, që pranuan dhe ju bashkuan ekipit drejtues të Ministrisë së Turizmit dhe Mjedisit”, ka shkruar Klosi në profilin e tij në Facebook, përcjell Koha.net. “Bashkë do përballim sfidën jo të lehtë, të shndërrimit të turizmit në industri dhe mbrojtjes e zhvillimit të pasurisë sonë të përbashkët, mjedisit. Suksese!”, ka shtuar më tej.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoÇeku është njëri nga katër kosovarët që iu bashkuan ekipit të Edi Ramës në Qeveri. Ilirjana Bajraktari mori pozitën e zëvendësministres së Shëndetësisë, Valbona Shujaku atë të zëvendësministres së Kulturës dhe Besa Shahini atë të zëvendësministres së Arsimit.