Në Komunën e Deçanit nuk e kanë pritur një aktakuzë për zyrtarin e saj, Asim Cenaj, ndaj të cilit Prokuroria e Pejës, po pretendon se ka kryer veprën penale: nxitje e urrejtjes, përçarjes ose mosdurimit kombëtar.
Më 1 dhjetor të vitit të kaluar, në një aktivitet të mbajtur në Asamblenë e Deçanit, Cenaj kishte pritur se do të flitej për të pagjeturit, raporton KTV.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoPo aty sipas Cenajt, është folur për prona e biznese të pjesëtarëve të komunitetit serb, dikur banorë të kësaj komune që ishin prezentë, ndërsa Cenaj thotë të ketë ngritur shqetësimin për të pagjeturit e kësaj komune, gjithsej 86, përfshirë babanë e tij.
Kryetari i Deçanit, Rasim Selmanaj, fyese e ka konsideruar aktakuzën e ngritur ndaj Cenajt.
Njohës të ligjit shprehin dilemat e tyre nëse ky rast ka të bëjë me nxitje të urrejtjes, për çka është ngritur aktakuza.
Megjithëse ende nuk dihen rrethanat e plota, avokati Taulant Hoda, për këtë rast, sipas praktikave ndërkombëtare, mendon se bie në domenin e lirisë së shprehjes dhe nuk ka vepër penale.
Cenaj, pas përfundimit të këtij aktiviteti, ishte shoqëruar në polici dhe i ishte caktuar masa e ndalimit prej 48 orësh.
Një ditë më pas, në këtë komunë pati edhe protesta, duke kërkuar lirimin e tij.