Ismaili thotë se s’ka qetësi pa u zbardhur dyshimet për vdekjet në QKUK Foto: Facebook / ilustrim

Ismaili thotë se s’ka qetësi pa u zbardhur dyshimet për vdekjet në QKUK

07 tetor 2017 22:47

Ministri i Shëndetësisë, Uran Ismaili, ka thënë se janë duke punuar që të zbardhen shkaqet e vdekjeve të dyshimta në QKUK. Ai madje ka bërë me dije se deri të zbardhen këto vdekje nuk do të ketë qetësi.

“Ne jemi në dorë të prokurorisë dhe organeve të rendit. Unë kam kërkuar që të mos ndalen hetimet dhe të kemi një përgjigje. Nuk do të ketë rehati as tek unë, dhe as te qytetarët por as te shumë punëtorë shëndetësor në qoftë se ne nuk arrijmë ta gjejmë përgjegjësin ose fajtorin se si ka rrjedh kjo situatë. Domethënë jemi duke e pritur prokurorinë dhe policinë”, ka thënë ministri Ismaili në televizionin publik.

Përgjegjësi për këto vdekje kishte kërkuar edhe kryeministri Ramush Hardaniaj. Ai madje pati vizituar dy herë QKUK-në, ku edhe pati thënë se duhet të dihet e vërteta e shkaqeve që kanë çuar në vdekje të pacientëve,

Ndryshe, 4 vdekje të dyshimta ndodhën javë më parë në QKUK. Dyshimet ishin hedhur mbi përdorimin e gazit oksidol, por që akoma nuk është vërtetuar derisa të kthehen rezultatet e analizave nga Shqipëria.

Komentet

Shto koment

Të ngjashme