“Administrata e presidentit Trump e ka menduar një plan për të parandaluar anëtarësimin e Palestinës në Interpol, muajin e kaluar, por problemi ka qenë se plani i tyre është varur nga rusët”.
Gazeta izraelite “The Jerusalem Post” ka raportuar të premten për planin, përmes së cilit SHBA-ja i ka kërkuar Rusisë një lloj marrëveshjeje shkëmbimi, përcjell Koha Ditore.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj Kontribuo“SHBA-ja ka qenë e gatshme t’i bëjë presion Kosovës që ta tërheqë kërkesën për anëtarësim, nëse Rusia do të pajtohej ta përkrahte strategjinë amerikane për të shtyrë votimin e kërkesës palestineze”, ka shkruar gazeta izraelite. “Një marrëveshje ishte bërë, me Serbinë dhe Kinën, përkrah. Por, në fund të atij samiti, Palestina hyri e Kosova mbeti jashtë”.
“The Jerusalem Post” ka shtruar pyetjen se si Rusia ia doli të merrte atë që deshi, e SHBA-ja dështoi.
“Nuk jam i sigurt se do të jem në gjendje t’ju jap një përgjigje të kënaqshme për këtë çështje”, i ka thënë gazetës izraelite një zyrtar i lartë i Departamentit të Drejtësisë. “Ngjarjet nuk kanë shkuar ashtu siç do të kishim dashur ne që të shkonin”. (Më gjerësisht lexoni sot në Kohën Ditore)