Qeveria e Kosovës sot ka miratuar projektligjin për kryeqytetin ku kryeministri i Kosovës Ramush Haradinaj, tha se qëllimi i këtij projektligji është rregullimi dhe funksionimi i kryeqytetit sipas Kushtetutës së Kosovës.
Ndërkaq kandidati i AKR-së për kryetar të Prishtinës, Selim Pacolli, ka thënë se ky ligj duhet kaluar shumë më herët, por se qeveritë e kaluara e kanë vonuar.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoKa thënë se ky është vetëm një hap tutje, por se duhet ndryshuar dhe se Prishtina ka nevojë për hapa më të mëdhenj se ky.
Reagimi i Selim Pacollit:
Bashkëqytetarë të Prishtinës,
Qeveria e Republikës sē Kosovës sapo ka kaluar ligjin për Prishtinën, obligim ky kushtetues, të cilin u vonuan ta përmbushin qeveritë e kaluara. Kjo vonesë në kalimin dhe humbjen e madhe të kohës e mundësive të cilat i sjell ligji, është faturë që padrejtësisht e pagoi kryeqyteti dhe qytetarët, sepse teket, inatet, interesat e subjekteve dhe politikanëve nuk pushuan asnjëherë.
Le të jemi të qartë ky është vetëm një hap, të cilin e përshëndesim, por duhet të presim dhe nëse kërkesat dhe nevojat e qytetit janë më të mëdha, ne duhet ta plotësojmë e ndryshojmë këtë ligj pas një kohe zbatimi në praktikë.
Një hap i parë dhe i mirë, por Prishtina ka nevojë për hapa të shumtë dhe të mëdhenj.
Prandaj, mjaft me politikanë, Prishtinës i duhet një menaxher.