Ndonëse ishte proklamuar se shpërndarja e ndihmave sociale nga Posta e Kosovës, do t’i kushtonte buxhetit të vendit rreth 300 mijë euro më lirë, një gjë e tillë nuk do të ndodhë.
Sipas marrëveshjes së nënshkruar nga Ministria e Punës dhe e Mirëqenies Sociale, Posta e Kosovës dhe Banka për Biznes për shpërndarje të ndihmave sociale, e cila ka filluar të zbatohet nga ky muaj, kryerja e këtij shërbimi nga Posta do t’i kushtojë buxhetit vetëm rreth 31mijë euro më lirë në vit, shkruan Koha Ditore.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoSipas marrëveshjes, e cila nuk është bërë publike, nga secili transaksion, Banka për Biznes do të përfitojë 70 cent dhe Posta e Kosovës 70 cent. Posta do të paguhet për shpërndarje të parave, ndërkohë që Banka për mirëmbajtje të llogarive bankare. Gjithsej për një transaksion nga buxheti i shtetit do të paguhen 1.40 euro.
Deri më tani, kur ministria ka pasur marrëveshje vetëm më Bankën për Biznes, për një transaksion janë paguar 1.50 euro. Shpërndarja e këtyre ndihmave për 25 mijë e 878 familje, sa ka qenë numri i përfituesve në gusht të këtij viti, i ka kushtuar buxhetit 38 mijë e 817 euro për një muaj ose 465 mijë e 804 euro në vit. Ndërkohë, që në bazë të marrëveshjes aktuale për këtë numër të përfituesve do të paguhen 36 mijë e 229 euro për një muaj, gjegjësisht 434 mijë e 748 në vit... (më gjerësisht lexoni sot në “Koha Ditore”)
Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.