Sot, Ministrja e Integrimit Evropian, Dhurata Hoxha u takua me Ambasadoren e Kroacisë në Kosovë, Marija Kapitanović. Në takim u diskutua thellimi i bashkëpunimit në kuadër të agjendës evropiane.
Ministrja Hoxha potencoi se Kroacia ka qenë dhe vazhdon të jetë një model shembull për Kosovën drejt integrimit të suksesshëm në Bashkimin Evropian.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj Kontribuo“Kosova ka nevojë për përvojën dhe ekspertizën kroate në zbatimin e MSA-së për të përfituar nga këto përvoja të suksesshme”, theksoi Hoxha.
Ndërsa, u diskutua edhe avancimi rreth zbatueshmërisë së Marrëveshjes së Stabilizim Asociimit (MSA) pasi që Kroacia ka qenë vendi i parë i Ballkanit Perëndimor tek i cili u aplikua instrumenti i MSA-së dhe si janë menaxhuar sfidat e këtij procesi.
Njëkohësisht u diskutua për Agjendën Evropiane të Reformave, Programet e BE-së dhe planet e Qeverisë për të ecur tutje me procesin e Liberalizimit të Vizave.
Ndërsa Ambasadorja Kapitanović i uroi ministres Hoxha detyrën e re dhe, ritheksoi gatishmërinë e Kroacisë për të zgjeruar bashkëpunimin rreth agjendës evropiane, për të mbështetur dhe për të ofruar për Kosovën përvojën e vendit të saj në këtë proces.