Flija e cila bëhet në rajonin Niksar të qytetit Tokat të Turqisë ku jetojnë shqiptarët e ardhur nga Kosova vazhdon të ruajë vendin e tij në mesin e shijeve të patjetërsueshme të qerasjeve.
Shqiptarët të cilët janë vendosur në Niksar duke emigruar nga Kosova në vitin 1912, vazhdojnë të ruajnë traditën dhe bëjnë byrekun fli si një prej gatimeve më të veçanta kryesisht për të ftuarit.
Flija e cila tërheq vëmendjen me shërbimin dhe përgatitjen që nevojitet në një proces të lodhshëm përbëhet nga mielli, kripa, gjalpi, kajmaku dhe qumështi.
Brumi i përgatitur pasi vendoset në tepsi lihet për tu pjekur në prushin e druve. Saçi i përgatitur posaçërisht për gatimin e flisë pasi është nxehur në prush vendoset mbi tepsinë ku ndodhet brumi, raporton Anadolu Agency (AA).
Flija ka 7-8 shtresa dhe duke hedhur brumë mbi brumin e pjekur piqet afërsisht për 3 orë, dhe pas pjekjes ai shërbehet për të ftuarit, mysafirët duke i shtuar kajmak dhe qumësht.
“Një prej gatimeve që pëlqehet më shumë nga shqiptarët”
Kryetari i Shoqatës Kulturore për Solidarizim dhe Ndihmë Niksar Kapiagzı, Nazim Aydin në një deklaratë për AA është shprehur se banorët e fshatit Kapiagzi përbëhen nga njerëzit e ardhur nga rajoni Ballkanit dhe Anadollit lindor.
Duke vënë në dukje se shqiptarët në fshat kanë ardhur nga Kosova në vitin 1912, Aydin, ka theksuar se ata vazhdojnë jetën në marrëdhënie të mira fqinjësore dhe farefisnore.
“Popullsia e Kapiagzit i cili në një kohë ishte një prej fshatrave më të mëdha të rajonit Niksar, është pakësuar në vitet e fundit me largimin e të rinjve jashtë. Nga fshati Kapiagzi i cili mbart në ditët e sotme traditat rrënjësore parashikojmë se janë shpërndarë në Stamboll rreth 500 familje dhe në qytetet Ankara, Adapazari dhe të tjerë rreth 1000 mijë familje", është shprehur Aydin, duke treguar se fshati i cili në vitin 1912 ishte me 75 familje në ditët e sotme ka 150 familje.
Pasi ka vënë në dukje se në kulturën shqiptare të vjen në mendje flija, Aydin ka theksuar se, “Flija nuk bëhet gjithmonë. Është një ushqim i cili përgatitet kryesisht për mysafirët. Teksa në ditët e sotme flitet për ushqimet e kulturave që kanë humbur veçoritë e tyre, kjo gjë nuk mund të flitet për Kapiagzi, sepse shqiptarët ndoshta janë elementi i vetëm që kanë mbartur në ditët e sotme kulturën e 100 viteve më parë”.
Ndërsa 63 vjeçarja Nazmie Ozdek e cila bën fli në fshatin Kapiagzi, është shprehur se ky ushqim është gatimi më i mirë dhe i shijshëm i shqiptarëve.
Duke theksuar se mund ta bëjnë vetëm në ditë të veçanta për shkak se flija kërkon një angazhim të vështirë, Ozdek ka shtuar se, “E pëlqejmë shumë flinë. Është një prej gatimeve që shqiptarët pëlqejnë më shumë. Kudo që ka vizitë të ndonjë mysafiri me rëndësi gatuhet flija”.