Profesori i së drejtës ndërkombëtare, ish-ambasador i Maqedonisë në BE, Blerim Reka, tërhoqi vërejtje serioze ndaj qeverisë së Kosovës për rastet individuale të lobimit nëpër botë kundër Kosovës.
“Disiplina e marrëdhënieve ndërkombëtare na mëson se politika jashtme është instrument për mbrojtjen e interesit shtetëror, dhe besoj se të gjithë e kemi të qartë se cili është ky interes shtetëror për Kosovën. Mirëpo ja që po del, se një e gjashta e Qeverisë se Kosovës (Lista Serbe), nuk po e dinë atë interes. Apo edhe më keq ‘po e dinë’ por po veprojnë kundër tij”, ka thënë Reka, përcjell Sovrani.info. “Pra ata jo vetëm që po veprojnë kundër politikës së brendshme të Kosovës (kundërshtimi i tyre për Ushtrinë e Kosovës në kohën kur edhe NATO-ja e thotë që edhe Kosova mund të ketë ushtrinë e saj; apo insistimi kushtëzues për Zajednicën, edhe pse Gjykata Kushtetuese e Kosovës ka vendosur për këtë çështje); por tash edhe kundër politikës se jashtme, duke dalë me politikë të kundërt të jashtme me atë të Kosovës”, ka thënë Reka.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj Kontribuo