Helmohen në Durrës 13 punonjës të Komunës së Rahovecit

Trembëdhjetë punonjës të Komunës së Rahovecit janë helmuar pasi kanë drekuar në një restorant në Durrës.

Tetë prej tyre po vazhdojnë të trajtohen, derisa gjendja e pesë të tjerëve është stabilizuar.

Lajmin e ka bërë publik kandidati i AAK-së, ish-kryetari i Rahovecit, Smajl Latifi.

“Me shqetësim e mora lajmin e helmimit të punëtorëve të Komunës së Rahovecit, të cilët ishin për pushim këtë fundjavë në Durrës. Jam informuar se ata pasi kanë konsumuar drekë në një restorant në Durrës, kanë hasur në shenja helmimi dhe janë dërguar në emergjencë”, ka thënë Latifi përcjell Koha.net.

“Janë 13 punëtorë që janë helmuar, ku pesë prej tyre tashmë janë liruar, kurse tetë të tjerë vazhdojnë trajtimin mjekësor, jashtë ndonjë rreziku. U uroj punëtorëve shërim sa më të shpejtë dhe kthim në vendin e tyre të punës”, ka thënë tutje Latifi.

{gallery}