Kryeministri i Shqipërisë, Edi Rama ka marrë urime nga Sekretari amerikan i Shtetit Rex Tillerson, për fitoren e zgjedhjeve, gjatë një bisede telefonike që kanë zhvilluar sot.
Tillerson ka shprehur bindjen se mandati i fortë që Partia Socialiste ka marrë për të qeverisur e vetme, e detyron këtë forcë politike të thellojë shpejtësinë e reformave, të pastrojë administratën nga të korruptuarit dhe të shënojë rezultate domethënëse në luftën kundër krimit.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoKryediplomati amerikan i ka shprehur gjithashtu kryeministrit shqiptar mbështetjen e qeverisë amerikane në mandatin e ri, ndërsa i ka shprehur edhe përshtypjet shumë pozitive të zv.presidentit Mike Pence, nga takimi i javës së kaluar në Mal të Zi, ku u rikonfirmua vullneti amerikan për një vëmendje të përqëndruar në zhvillimet e rajonit të Ballkanit.
Rama, nga ana e tij, e ka falënderuar Sekretarin amerikan të Shtetit për telefonatën dhe i ka bërë një pasqyrë të plotë të situatës rajonale nga këndvështrimi i shtetit shqiptar, duke u fokusuar kryesisht te dialogu Kosovë-Serbi, si dhe nevoja për zhbllokimin e ngërçit të emrit të Maqedonisë.
Veç këtyre, kryeministri Rama ka kërkuar edhe intensifikimin e bashkëpunimit me SHBA-të në sektorin e energjisë, e posaçërisht të naftës dhe gazit, e pritur me shumë interes nga kryediplomati amerikan.