Kryetarja e Gjykatës Themelore në Prishtinë, Afërdita Bytyçi, ka pritur sot gjyqtarët e rinj, të cilët dje janë dekretuar nga presidenti i Republikës së Kosovës, Hashim Thaçi.
Pasi iu uroi suksese në punën e tyre si gjyqtarë, ajo nga gjyqtarët e rinj kërkoi përkushtim dhe angazhim të madh, sepse vetëm në këtë mënyrë mund të arrihen rezultate në punë.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoGjatë takimit është diskutuar për sfidat me të cilat është duke u ballafaquar Gjykata, me numër të vogël të gjyqtarëve dhe rritje të madhe të numrit të lëndëve të arritura në Gjykatë, sidomos në Departamentin e Përgjithshëm – Divizioni për Çështje Penale dhe Divizioni për Çështje Civile.
Në fund, kryetarja e Gjykatës premtoi se në të ardhmen do të ketë bashkëpunim profesional, përkrahje dhe mbështetje nga ana e saj, duke shpresuar se me emërimin e tyre Gjykata do të rrisë edhe më shumë efikasitetin e zgjidhjes së lëndëve.
Në Gjykatën Themelore në Prishtinë janë caktuar 18 gjyqtarë, ndërsa në degën e saj në Podujevë 2 gjyqtarë, në atë të Lipjanit 1 dhe në degën në Drenas po ashtu 1 gjyqtar.
Gjyqtarët do të vijojnë trajnimin në periudhën një vjeçare në Akademinë e Drejtësisë.