Kryeministri në detyrë i Kosovës, Isa Mustafa, përmes një statusi në Facebook, ka zgjedhur fjalë miradije për diasporën tonë.
Ai thotë se bashkatdhetarët tanë në diasporë janë krenaria e Kosovës dhe janë kontribuues qenësor të çdo suksesi të shtetit tonë.
“Republika e Kosovës, institucionet e saj dhe çdo qytetar i Kosovës i janë mirënjohës çdo mërgimtari për kontributin dhe për vizitat e përvitshme që na gjallërojnë, na e hijeshojnë vendin, si dhe na disponojnë pa masë”, ka thënë Mustafa.