I ashtuquajtur drejtor i të ashtuquajturës Zyrë për Kosovën Marko Gjuriq ka deklaruar se ka pushuar së besuari në gatishmërinë e Prishtinës që të punojë në zbatimin e Marrëveshjeve të Brukselit, por ka shtuar se “është i bindur se Asociacioni i Komunave serbe megjithatë do të formohet, transmeton Koha.net.
"Mendoj se është e domosdoshme që pa shtyrje afati të fillohet në punën e hartimit të Statutit për formimin e AKS-së. Beogradi është i gatshëm që menjëherë t’i qaset punës së përbashkët në hartimin e Statutit. Po ashtu ne nuk pranojmë asnjë përvetësim dhe veprim të njëanshëm në këtë drejtim, sepse AKS-në nuk duhet ta formojnë as Prishtina dhe as Isa Mustafa, por serbët e Kosovës me ndihmën dhe me përkrahjen e Beogradit e të Prishtinës”, citon javorja “jedinstvo” të ketë thënë Gjuriq.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj Kontribuo